º×ويــنــكـ يــآغــآيــبــ׺

رحلت عن عيني وينك ياغايب
شف صوتك اللي راح عني فقدته
فجأه كذا تهجرني ابلا سبايب
ماظن أنا في يوم قلبك جرحته
سموها هالدنيا بدنيا العجايب
حبيب أمسك في حياتك خسرته
تقوى على الفرقى بليا صعايب
هذا الجفا ياصاحبي كيف جبته
من بعد ماوصلتني للسحايب
ومن بعد ماأسرت قلبي وملكته
من بعد ماقلبي ابكلمتك ذايب
ومن بعد حلمي اللي معاي رسمته
من بعد ماكنا حبايب حبايب
من بعد حلم فيك بالعمر عشته
مريت أنا بجنبك وكنا غرايب
طيفي تجاهلته مع أنك عرفته
أجيك أنا بلهفة اتهد النصايب
موقفك هذا معي لا ماقدرته
أشعلت في فرقاك روحي لهايب
قلبي هواك بنبضته مارحمته
ليه الجفا ليه القسا والمصايب
ويوم ان قلبي يسألك ماأجبته
معقول ظني فيك ماكان صايب
صدمة أقول الظن خاب وخسرته

ليه الجفا ليه القسا والمصايب
ويوم ان قلبي يسألك ماأجبته
معقول ظني فيك ماكان صايب
صدمة أقول الظن خاب وخسرته


قمممممة في الروعة


تسلمين والله لا يحرمنا من جديدك

يعطيك ألـــــــــــ1000ــــــــــــف عافية

يعافيك..ميرسي على المرور خيتو

مريت أنا بجنبك وكنا غرايب
طيفي تجاهلته مع أنك عرفته
أجيك أنا بلهفة اتهد النصايب
موقفك هذا معي لا ماقدرته

الله على الكلمات
من جد رووووعه
وخيال وخطيره
يسلمووووووو
قلبي على الطرح
لاتحرمينا من جديدك
ياقــــــــــمــــــــــر

الله يسلمك مرورك الأروع

لاتحرميني من طلتك