هـو تأخـر ؟ ولاّ انا .. دايـم عجــول
جيـت في ليــل الوعــد .. من أوله

ليــلة الموعد .. تحمّـلت الحـمــول
آه من ليـــل الوعـد .. يامطــوله

من غياب الشمس وعيون العــــذول
لين صـار الليــل .. كحـل المكحـله

كان عقرب ساعتي .. عقرب كســول
تسبـقه .. كل العقـارب .. ما اكْسـله

مرّت الساعة سنة .. واربع فصـــول
ومرّت فصـول السنــة .. بالأسئـله

هـو تأخـر ؟ ولاّ انا .. دايـم عجـول
جيـت في ليــل الوعــد .. من أوله

وعين تسألني .. متى وقت الوصـــول
وعـــين تحسب هالثــواني .. في وله

ورحت افـكر وش بسوّي وش بقــول
كيف اسلّم وابتـدي .. كيـف أسـأله

أسئله .. في خـاطـري .. دايم تجـول
بســأله .. عـن كلّ شي كنت اجهله

عن مطـر وصله .. وأوقـات الهطـول
عـن مـواعيد ٍ .. كـثـير مْأجــله

عن غيـابه .. وانتظــاره .. والذبول
عن حضــوره .. والليــالي المقبـله

وان سألني كيـف حـالي .. مابقــول
بتركــه .. ويْـشوف شي ٍ يذهــله

وبين فكره واختـها .. عدّيت حــول
ألـف شكوى .. بالعـتاب مـبــلله

هـو تأخـر ؟ ولاّ انا .. دايـم عجـول
جيـت في ليــل الوعــد .. من أوله









مما نال اعجابي حين قرآئتها
فنقلتها لكم / مع خالص حبي وتقديري

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

كلام قمة في الروعه ..


الله يعطيك العافيه أخوي ..

تجنن انا اموت بالاشعار

الله يعطيك العافيه

ولاتحرمنا من جديدك