روايات

مدمن العاب · 11-07-2008, 04:44 PM

روايات حب - روايات دلع - روايات قديمه

بسم الله الرحمن الرحيم
إليكم اعزائ اول مشاركة لي في منتداكم الغالي وهي روايه رومنسية اسميتها
........................................ ضياع القلوب ..............................................

.....................................البارت الأول .................................................. ....

اشرقت الشمس وغردت العصفير مع الصباح .....كانت اشعت الشمس تدخل من بين الستاير .كانت تسرق النظر وتلمس خدودها الورديه وعيونها النائمه مثل الملاك .......فتحت عيونها وسارت تناظر هنا وهناك
ـ اوه هذا أول يوم لنا في ها البيت اصبحنا واصبح الملك لله
قامت من سريرها بخطوات بطيئه وتوجهت إلى الحمام تغسل وجهها وبعد ها راحت على الشباك إ تفتح الستائر سارت تناظر من بين الزجاج
ـ اها المكان وايد حلو والشارع نظيف
وبعد لحظة
ـ ياتري كيف الجيران عندهم بنات في سني
وبعد لحظة خرج واحد من الجيران كان نواف ابن جارهم المقابل لبيتهم
وبعده خرجت اختة رنا ونورة وركبوا في السيارة
ـ الله عندهم بنات في سني
ابتسام بنت في الثانوية وعمرها 18 حبوبه وجميلة جداً وشخصيتها جذابة مرحة وخجولة اكثر
نادتها امها
ـ ابتسام .............ابتسام ..يلله يمه تأخرنا عن المدرسة
لبست ملابسها بسرعة ونزلت الصالة وجلست على السفرة وكانت فيها اصناف مليانة وعشان انه مستعجلة سحبت رغيف ومسحت علية جبن ولفته في كيس صغير وحطتها في شنطتها

ونادي ابوها
ـ ابتسام هيى يابابا تأخرنا
ـ الحين انا جاية دقايق بس
ورحت يم السيارة وهي مسرعة وركبت …..وهم في السيارة كسرت ابتسام الصمت
ـ امي
ـ نعم
ـ وش اسم مدرستي
ـ الثانويه العاشرة
ـ انتي شفتيها
ـ ايه
ـ طيب هي كبيره
ـ مره
ـ حلوه يمه
ـ بعد شوي بتشوفيها
ـ يايت القي صديقاتي فيها
ـ والله يابتسام ما اعتقد
ـ ليش يمكن في وحده نقلت
ـ والله الحارة بعيدة مرة واحنا في حي متطور ما اعتقد انهم بيجون من اخر الدنيا عشان الست ابتسام
ابوها ضحك ورد
ـ لا تخافي بتلاقين فيها بنات وانتي ماشاء عليكي اجتماعية
ـ ابوي ليش ما نقلت ماجد اش معنا انا بس
ـ مدرسة ماجد مميزة واخوكي مجتهد فيها
ـ وانا مجتهدة بعد
ـ بس اخوكي وراه مجموع ووظيفة
ـ ابوي هذا موعذر
ـ خلاص وانا ابوك ...........يالله وصلنا المدرسة
كانت المدرسة كبيرة مرة ونموذجيه سحاتها نظيفة
ومقاعدها من خشب الزان الفاخر والفصول مجهزة باجمل وافضل الآجهزة كانت نموذجيه فعلاً

اخذت تناظر في الساحة وتقول في نفسها
"""الله ما اكبرها والبنات في كل مكان ياربي بلاقي احد فيها من مدرستي ""
وما هي ثواني حتي دق جرس الطابور
وصفوا البنات كلهم وابتسام ماتدري وين توقف
قامت راحت اخر الطوابير ووقفت
ومن بعيد جلست تطالعها وحدة من المدرسات وجات عندها
ـ ليش واقفة هنا .........يله على طابورك اشوف
ـ ابلة انا جديدة اليوم جيت
ـ اوه انتي ابتسام ............بنت المعلمة حصه
ـ ايه............انتي تعرفين امي
ـ ايه كنا في مدرسة وحده
ـ بس امي مدرسة متوسط
ـ صح حبيبتي ........انا هنا الوكيلة
ـ طيب انتي ابلة مين
ـ انا ابلة مها ............تعالي المكتب لين يطلعون البنات وبعدها اوريكي فصلك
رحت ابتسام مع الوكيلة لفصل 3\1
دقت الباب وفتحت المدرسة
ـ السلام عليكم
وقفوا البنات
ـ وعليكم السلام ورحمة الله وبركاته
ـ تعالي يا ابتسام
ودخلت ابتسام الفصل
ـ احب اعرفكم على طالبة جديدة في فصلكم
ابتسام محمد وابي الكل يرحب بها
وقفت وحدة من البنات ابلة وين تجلس الفصل مليان
ـ ابتسام بتجلس قدام جنب رنا وخلود بترجع وراى
ـ ابلة بس هذا مكاني من اول السنه
ـ انا قلت ترجين وراى ومعندي كلام ثاني
عصبت الوكيلة يوم تسمرت خلود وما تحركت من مكانها
ـ خلود قلت ارجعي وراى
ـ ابلة ما اشوف زين
ـ البسي نظرات
ـ ابلة مايصير
ـ خلود تعالي المكتب شكلة ماينفع معك الأدب
ـ ابلة مها ...........خلاص ابرجع
ـ اقول تعالي المكتب

راحت خلود مع الوكيله وفي قلبها حقد على ابتسام
وفي نفسها تقول"" انا اوريكي""
ابتسام المسكينه ما اتوقعت المشاكل من اول يوم
طبعا الوكيله مها متشددة جدا وما ينفع الدلع اخذت خلود وكتبتها تعهد
ـ بنات اجلسوا نكمل ....وانتي يا ابتسام اجلسي مكان خلود........رنا خذي شنطت خلود ووديها وراء
ـ رنا ابلة بالله كذا يرضيكي لا انا ما اقدر اخذ شنطتها هي تجي تاخذها
ـ معليش عشان خاطري قولي ابلة عهود قالتلي
ابستام حست ان الفصل بدأ يكرها ومن نظرتهم تأكدت
وبعد الدرس دخلت خلود
ـ شوفي انتي هي لا تفرحين ابرجع مكاني عصب عنكي
ـ ابتسام ماعندي مانع بس اخاف ابلة مها تسويها سالفه
طالعت فيها رنا
ـ يعني تسوين نفسك بريئه
ـ مافهمت قصدك
ـ مدري هي من حالها جلستك ............مو عوايدها..دايم بنات يسجلون ....ما تسوي كذا
ابتسام هجست في نفسها ""الله يستر ويعدي ها اليوم على خير "
وبعد يوم كان مليئ بمشاحنات انتهى اليوم ونادى الحارس بلقب نوف وابتسام مع بعض
لبسوا العبايات وخرجوا سوى
ابتسام تفاجأت شافت قدامها نواف ولد الجيران إلي اليوم شافتة في الصبح وسمعت نورة الصغيرة تنادي
ِـ رنا رنا احنا هنا
وعرفت ابتسام ان رنا هي بنت الجيران
وفي السيارة
ـ ها يمه كيف المدرسة اليوم
قالتها بطفش
ـ الله يرضى على مدرستي
ـ ليش يماما انا وصيت ابله مها عليكي وقلت جلسيها قدام
ـ اها الحين انتي قلتي لأبله مها اني اجلس قدام
يمه حرام والله ما احب قدام ....
ـ بس من غير كلام ...........ما يجلس وري إلا البنات الكسلاء ..........هي عاد اسمعي الكلام
ـ يمه ماتدرين وش سوت
ـ مين
ـ ابله مها
ـ وش سوت
ـ خلت البنت تغير مكانها عشاني
ـ طيب وش فيها
ـ يمه البنت زعلت ترضين اقومك غصب
ـ لا معليكي انا اتفاهم اليوم العصر مع ابلة مها
وبعد وصلوهم البيت حطوا الغداء وتجمعت الأسره
الأب يتكلم
ـ ماجد ....
ـ سم يبى
ـ كيف المدرسة
ـ تمام .....والمدرس اعطانا اختبار
ـ ها وانا ابوك نبي المجموع
ـ ابشر يبى
ـ ياسلام ياسلام ...........مافي كيفك يا ابتسام وكيف المدرسة
ـ عاد انتي شاطرة وانا ابوك ما يحتاج
ـ اضحكوا علية بها الكلام ......اصلا حتي لما استلم الشهادة ما تقولوا وش جبتي نجحت ولا لا
ـ ابتسام ياماما كملي اكلك وما عليكي ورحي غرفتك ذاكري عاد لا تفشيليني ويقولون بنت ابله حصة كسلانه
ـ حاضر بس متي تكلمين ابله مها
ـ اليوم العصر
ابتسام كملت غداها وصعدت غرفتها وجلست تفكر في يومها المتعب وقامت وجلست تتأمل منظر الشارع من النافذة وشوي خرج نواف ولد الجيران من البيت
ـ اها هذا ولد الجيران ......مشاء الله يشبه رنا شوي بس رنا احلي .....شكله وسيم
دخل ماجد عليها
ـ انتي وش قاعدة تسوين عند الشباك
ـ هلا ماجد ....الناس تدق الباب
ـ اشوف من تطالعين
ـ محد في الشارع تعال شوف
ـ طيب وش عندك متسمرة عند الشباك
ـ اشوف ارض الله الواسعة..... ياحضك ياماجد
ـ ليش
ـ محد نقلك من مكانك جالس في فصلك بين اصحابك لا هواش ولا مشاحنات
ـ خير وش السالفة ........من اولها هوشة
وجلست ابتسام تحكي اخوها ماجد عن اليوم بكامله
عائلة ابتسام من عوائل السعودية التي تهتم للولد من ناحيت الدراسة تهتم به اكثر بقليل من البنت حيث انه وراه وظيفة وزواج لابد من التفوق والنجاح وهم ملتزمين جدا ويهتمون بحجابهم عكس عائلة رنا فبرغم من انهم عائلة راقية ومتماسكة وقوية الوحدة إلى انهم لا يلتزمون بالحجاب عن الأقرباء
دخلت رنا بعد عودتها من المدرسة الصاله
ولقت البيت في نفره والكل معصب
ـ خير يمه وشفي ابوي معصب
ـ عمامك جاين الأن
ـ ليش ....
ـ مدري بس شكلة ولد عمك احمد مسوي شي
ـ احمد ....احمد ...اشفيه يمه
ـ واشبك صار وجهك اسود
ـ لا بس الرجال فية شي
ـ وانا ادري استني اعمامك
رحت رنا عند نواف
ـ نواف وش فية احمد ....
ـ خير انتي بعد وش عند
ـ اشفيه احمد
ـ وان ادري
ـ ليه ابوي معصب
ـ روحي اسأليه
ـ وين طالع
ـ ابروح ابوي وصاني اجيب اغراض
وصلوا اعمام رنا ومعاهم احمد
دخلت رنا عليهم
ـ اسلام عليكم
ـ وعليكم السلام هلا بوردتنا رنا حياكي تعالي
رنا جات عينها علي احمد وبدت ترتبك
ـ احمد كيف..ك ..؟
ـ هلا رنا الحمد الله
ابوها قال
ـ رنا خليهم يجيبوا الشاي
ـ امرك يبى
ـ ولا يدخل احد علينا
رنا خرجت والقلق على وجهها ياربي وش في
وجلست بالصالة تستنا شوي علت الأصوات وبدأ الصرخ يعلي وسمعت رنا صك الباب شكل احمد خرج وشوي خرجوا اعمامها
جاء ابوها الصاله
ـ ابوي وش في
ـ ولد عمك احمد ...
ـ اشفيه
ـ يبي يتزوج
رنا انصدمت ولا تكلمت
ردت امها
ـ طيب وليش كل ها الزعل وش فيها لو تزوج
ـ يبي وحده تشتغل معاة بالعمل مطلقة وعندها ولدين هذي عادي عندك

دخلت رنا غرفتها حزينه كان نفسها هي تكون عروس احمد
بس الغريب ان احمد حب وحدة مطلقة وعندها طفلين كان ها الشي مخلي رنا ما تركز في مذاكرتها
وفي صباح اليوم الثاني ابتسام كاعادتها اول ما تقوم من سريرها تفتح ستاير غرفتها لكنها لاحظت ان كل يوم وهي تفتح الستاير يخرج نواف من بيتة
وصارت عادة عند أبتسام انها تشوف نواف كل يوم

وفيوم شد العراك بين ابتسام وخلود على المكان
ابتسام تحافظ على المكان عشان ما يوصل خبر لمها انها رجعت في الصفوف الأخيرة
وخلود ميته قهر على مكانها وتحسها اهانة لها كيف بكل سهولة وحدة تجي وتاخذ مكانها
في الفسحة كان تقرير يومي يوصل الوكيلة مها عن الفصل وعن مشاحنات خلود وابتسام
من خلال بنت حاطتها امينت السر وطبعا كل يوم الوكيلة تهزئ خلود عشان ابتسام
ابتسام كانت مقهورة ما تبي تسوي حساسية مع خلود كانت تحاول تتحاشاها قدر ما تقدر وخلود تحس انها مظلومه ولازم تنتقم
فيوم من فرط قهرها وهم نازلين من الدرج كانت ابتسام قدامها حست انها تبي تدفها لكنها اترددت حاولت وحركت يدها لظهرها وقبل ما تلمسها ابتسام دعست على طرف فستانها وطاحت من غير ما تلمسها يد خلود بس من سواء حظ خلود الوكيلة شافتها وكان الموقف يوضح ان خلود دفتها
ابتسام طاحت وتقلبت على الدرج ونزل دم من راسها بس الجرح خفيف .........

حق الجار على الجار وواجباته - /// - 8 -

الموضوع الأصلي: روايات || الكاتب: مدمن العاب || المصدر: منتديات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
روايات جديده	ابو ثامر	روايات	0	10-11-2009 03:32 AM
قوانين قسم قصص - قصص قصيره - روايات - روايات طويله - Novels - Stories	عزيز وشامخ	قصص و حكايات	1	12-29-2008 04:14 PM
روايات حب	وعدقديم	روايات	5	12-10-2008 07:06 PM
روايات	مدمن العاب	روايات	1	12-05-2008 11:21 PM
روايات رومانسيه	وعدقديم	روايات	0	11-07-2008 04:52 PM

روايات

روايات