هو وهي عندما اجتمعوا(الجزء الثاني والثالث)

بنت كووووووول · 05-07-2009, 04:20 PM

ألحين فيها رقاد .. وكل مره راسها يميل صوب كتفه وهي تحاول ما تميل صوب كتفه ... أما هو فـ راسـه كـان متكـأ لـورا وراقــــد ...
تغصـصـت: اهوو متـى بنـوصل تعبـت من القعـــده
فتحـت شنطتهـا مال يـد وطلعــت منـه المنظـره يلسـت اطـالع نفسهــــا فيـــه
وتسـوي حـركـات بـويهــــا ... ويـوم حســت بعـد ماشي فـايده دخلت المنظره ... هــدوء كــان في الطيــاره
صـدت صـوب عـادل وتمــت تتـأمل في ويه .. ابتسـمـت: نـاقصنـه شـيء هـذا فـي ويـــه مـب مشكـله انـا بكمـلـه ... خـذت الجحــال وقبـل لا تسـوي شـيء بـويـه بغــت تتـأكـد إنـه راقـد ومـا بحـس فيهــــا...

عليـاء: مممم كيـف كيـف .. أقـول عـادل عـادل إيه بو شعر منفوش .. مـاشـي فـايده الريال في سابع نومـه...

خـذت الجحـال ويلست تبـدع في ويـه ويـوم تحـس إنه بقـوم تخـلي عمـرهــا راقـده ..

سمعت ضحكه .. ويوم صـدت طلع ياهل واقف على الكرسي يأشر على ويه عادل فطلبت منه يسكت

وأخيـــرا ارتـاحـت يـوم سمعـت إنهـم قـريبـ بـوصـلون فـرنســـا...

علياء: إيه انت قوم قريب بنوصل .. بل مب رقاد من ركبنا لين ما بنوصـل راقد الاخ .. هههه مسكين الكل بيضحك عليه ألحين ..
هزته: ايه انت قووووم عاد
قـام عـادل: ها ؟ هـا؟
علياء: قوم بنوصل .. ميوده ضحكتهـا..
عادل: زين زين ما تعرفين توعين بهدوء
علياء: لا
عادل يعدل من قعدته:لازم اصلا شيء اسمه هدوء مب موجود في قائمتج
علياء تحاول تضحك اونها: ها ها ما يضحك
عادل: محد طلب منج تضحكين
علياء: لو خليتك راقد احسن
ادخلت المضيفه بينهم: لو سمحتـوا .. تمت ساكته يوم شافت ويه عادل
علياء حست: هيه هيه بنربط .. شكرا يالله روحي
استغربت من ردة فعل علياء وبنفس الوقت تمت تضحك على الخفيف وراحت عنهم
عادل مفتخر بعمره: مسوي مشاكل ويهي
علياء بسخريه : ليش يعني
عادل: ما تشوفينها انعجبت في
علياء تضحك : هيه صح
عادل: ليش تضحكين
علياء: كيفي
عادل: خبروني عنج إنه فيج حاله نفسيه
علياء: وما خبروك يوم تيني الحاله عادي اذبح اللي جدامي
تم ساكت عادل وربط الحزام ...

منزله راسها واطالعه بخلسه وتضحك ويوم تحس إنه منتبه لها تخلي عمرها معصبه منه وما لها بارض لشيء

مب هي بس كل من مكان يطالعه يضحكون عليه وبعض يطالعه بنظرات حيره ...

صد وراه فجاه فعلياء تفاجات لأنها ما توقعت إنه بصد وراها
سألها من غير ما يلاحظ إنها كانت تضحك: وش فيهم الناس من نزلنا والكل يطالعني ويضحك
علياء : وانا شو عرفني .. يمكن شكلك يذكرهم بمهرج
عادل: علياء بسكت عنج لأني ما اريد اسوي فضيحه في المطار
علياء:اووو خوفتني تصدق

تجدمت عنه اللي يقول ألحين عارفه وين بتروح
كلمها وكان معصب منها: من هنا يا الذكيه

وقفت وصدت وراه: اعرف
غيرت تجاها وراحت مكان اللي اشر عليها ...
تبعها ...

حتى يوم كان يخلص الاجراءت كان مستغرب ليش يضحكون عليه ...

وعلياء واقفه بعيد واطالعه : اخبره ولا اخليه لين ما نوصل الفندق ومن هناك بنفسه بكشف ابداعتي

بس انتوا مب مخبيه عليكم شو سويت ...
ماشيء رسمت له على خده شمس عاد بلون اسود
وقلت كافي لكن حسيت في شيء ناقص فرسمت سحب وبعد حسيت إنه ما يكفي عاد تعرفون الفنان ما يرتاح لين ما يحس إنه الصوره كامله .. فرسمت طيور لكن في طير جناحه متكسر مب ذنبي انا هذا عادل وايد يتحرك ... المهم اش اش وصل اللي يحاول يطقق فرنسي ومب عارف من متى واقفه انا هنا والحين شرف

عادل: حتى هذي مب راضيه تبعد عينها عن ويهي
علياء تنطز: يمكن انعجبت فيك
عادل بافتخار: ما ألومها ما في بنت ما تنعجب في
علياء: ها ها ها شوف عدل انا هاي البنت

عادل تحرك: ومنو يهتم بأعجابج واصلا انتي ما عندج ذوق
علياء تمشي وراه: صح إنزين
وقف فجأه حتى بغت تصدمه لكنها قدرت توقف
علياء: حووو انتبه مره ثانيه
عادل: خلج من هذا توني قلت ما عندج ذوق وانتي .. قاطعته: صح إنزين ما عندي ذوق ودليل اني وافقت عليك
ابتسمت بسخريه
وهو بعد طالعها وابتسم بسخريه: مالت
تحرك عنها وهي بعد ما بتسكت : مالت

ركبوا تاكسي وحتى راعي التاكسي ظل يطالعه من المنظره ويضحك
اما علياء فانشغلت اطالع المناظر ...
لين ما وصلوا الفندق ....

عادل: وصلنا
علياء: اخيرا بصراحه بمووت من التعب
نزل من التاكسي: بتريحين العالم
قلدته: بتريحين العالم .,. انت ان شاءالله ولا انا
نزلت من التاكسي ...

وراعي الفندق شل عنهم الاغراض ..
علياء كانت مع عادل بس كانت وراه لين ما وصلوا صوب الاستقبال ...
فجت حلجها يوم سمعت عادل يرمس فرنسي بطلاقه ..
علياء : اوكي انا كنت اسمع عادل سافر ... عادل رجع من السفر بس بس ما كنت اعرف وين كان مسافر ... شكله كان يسافر فرنسا ... من جذي يعرف يرطن فرنسي

قاطعني الاهبل: نروح
وهو يمشي يرمس : ما ادري وش فيهم الكل يطالعني ويضحك

صعدوا اللفت ..
عادل/ هذا مفتاح لغرفتج .. توني حجزت لج غرفه
علياء: طلع منك فايده
عادل : تعرفين إني متحملج لأني مب متفيج لج بس خليني ارد حيـوتـي بـرد لـج بـدال الكلمـه كلمتيـن
علياء: والله
انفتــح المصعــــد ... بالـأول وصـل عـامـل الفنـدق أغـراض عـادل وبعـديـن وصـل أغـراض عليـاء .. وبيـن غـرفتهـا وغـرفتـه يفصلهـــم غـرفــــه

اول مـا طـلع عـامل الفنـدق من غـرفتهــــا ... نقـزت على السـريــر
عليـاء:وااااو مـــريـــــــــح
فصخــت عبـاتهــــا ... وشيلتهـــا على السـريـــر ...
وراحــت تكشــف الغـــرفــــــه
ويـوم شــافـــت الحمـــــــام:شـــو هــــذا .. يـا سـلام يـاسـلام كل شـي متـوفـر

طـالعــت نفسهـــا على المنظــره وتمـــت تضحـــك: بعـده مـا كشـــف شكـلــــه

نـروح لعـــادل ...
اللـي يـــوم دخـــل أول شـــيء ســــواه راح الحمــــام طـالـع نفســـه بالمنـظــره واستغـــرب
مسـحـه بيـده وعـرف إنه الجحــال ...
طـلـع مـن غرفتـــه معصــــب وراح عنـد غرفتــــه ... حـاول يفتـــح البـا ولقـــى مقفــــل

دق على البـاب بقــــوه
عليـــاء: منـــو لا who مـا أعـرف شــــو
عادل معصـب: فتحـي البـاب أنـــا عـــادل
عليــــاء تلصقـــت بالبـــاب وتضحـــك: أووو عــــادل بغيـــت شــــيء؟
عـــادل: هيــه ابغــي اذبـــحـــج
عليـــاء: هههه وهـذا معنـــاتــه استكشفــت ابـداعــي مـا قـلت لـي شـــو رايــــك
عـادل يضرب على البـاب بقــــوه : افتحـــي وبقـــولــج
علياء: لا خلـك ورا البــاب احســـن
تم يصـرخ: افتحـــي اقـولج افتحــــي

عـادل انتبـــه على اللي طلعــوا من الغـرف ويطـالعــــونه
ابتســـم لهـــم وقــال بالفـرنســي: ما فـي شـــيء
ابتعــد عـن غرفتهــــا ودخــــل غـرفـــــتـــــه وطـلع حـرتـه على البـــاب ... يـوم صكـه بقــــوه

اللـي ملصـقه إذنهـــا على البـاب تمــت تضـــحــــك
ليـن مـا فـرت نفسهـــا على السـريـر ونـــامــــت..

وبيوم الثاني
الصبح
قامت ولأنها شابعه رقاد فكانت نشيطه ...
بعدما تسبحت وصارت فريش اكثر .. حست إنها يوعانه وتبى تطلب شيء بس مب عارفه كيف هي ما تعرف لغتهم ...
ولغه الانجليزي لا باس
علياء: اتصل واشوف شو عندهم
رد عليها فرنسي وكان يتكلم بالفرنسي
علياء: can u speak english
ردت عليها : هيه
علياء: إنزين قول شو عندكم حق الفطور
الريال: what
علياء ضربت راسها: اقصد what do u have for
لحظه الفطور شو يقولون
علياء لريال: لحظه .. اهوو اقصد one دقيقه
فالحه يا علياء فالحه ... خخخخخ

علياء: هيه بريفك .. بريفكس لا بريكفس هيه هيه هو هذا
علياء: hai what u have for brekfast
عاد الريال يلس يتكلم بالانجليزي والبنت استوعبت شيء وشيء ما قدرت تفهمه وهو يرمس
بعدت السماعه من اذنها ورجعت له:اوكي اوكي ثانكيو
وصكرت على ويه
آآآآآآآآآآآآآآآآآآآآآآآآآآآآآآآآآآآ
مب انا هذي علياء تصرخ من القهر .. سمعت دق على الباب .. دورت على شيلتها لين ما لقته
علياء: who?
عادل: انا عادل
علياء: عادل؟! شو يبا هذا بعد وانا ليش خايفه منه
راحت تفتح الباب : نعم
عادل بدون نفس: فطرتي؟
علياء: لا
عادل: ما تبين صح؟
علياء: وليش ما ابغي .. انسانه مثلك انـا
عادل: أشك انا ..
علياء: شو قلت
عادل: ولا شيء روحي تجهزي بننزل تحت وبنفطر مسوين بوفيه
علياء: اوكي
تم واقف عادل
علياء: قلنا انزين شو موقفنك بعد
عادل : بترياج بعد شو
علياء: تم واقف هنا .. فاهم ؟
خلته وراحت اطلع من شنطتها بدله ...

10 دقايق والبنت جاهزه ... طلعت من غرفه التبديل
ولقته يالس في الصاله ويقلب في صفحات المجله
علياء في خاطرها: قلت له يوقف برع ما ينلام اهبل

راحت صوبه: ياللــــه
رفـــع عينـــــه وشـافهــا لابســـه لبس كـويتـــي..
علياء: يـاللـــه بعــد شــو يــوعـــانه أنــــا
تجــدمــت عنـــه وهــو بعـــد وقـــف وراح معــاهـا ليـن بـرع الغـرفـــه
قفلت الغـرفـــه ومشــت معـــاه ..
عليـاء فـي خـاطـرهـا: شكـله مب معصـب

يمشـون على المـمـر
عـادل: رقــدي عـدل؟
عليـاء :هيـه
عـادل: زيـن زيـــن
علياء: وأنتـــــــــت؟
عـادل: رقـدت عـدل

راح صـوب طـاولة بــوفيــــه ... وهـي تمــت واقفـــه: اونـــه عـاد مسـوي عمـره عـادي
راحــت صـــوبــــه
بعدمــا أختـاروا لهـــم الأكل ..
عليـاء تـاكـل الخبـز الفـرنـسـي: يممممي
عادل: عيبـــج؟
عليــاء: هيه ..
عـادل: على فكـره اهـلج اتصـلوا سـألـوني عنـج قـلـت لهـم إنـج راقـــده وابـوج سألني عـن بنتـه الطيبـه المسكينـه .. يـرمـس وبنفـس الـوقـت يطنـز عليهـا..

علياء فهمتــه: شكـرا شكـرا
عـادل: تعـرفيـن إنـج معـروره
عليـاء تـاكل ومب مهتمـه: هيه
يـوم خلصــت مـن الأكـل تنهـدت: الحمـدللـــه
فركـت بأصبعهـا خشمهــا .. :تعـال شـو اسـم الفندق
عادل ياكل: فنـدق رويــــال
تـطـالـع النــاس :تعـرف اشـوف وايـد من مـلامح عربيـه هنـا
عـادل: فرنسـا فيهـا عرب تــرى
عليـاء: اعـرف
وبفضـول: انت يـوم كـنــت تسـافر كـل مـره كنـت تسـافر فـرنـسـا
عـادل: هيـه ليـش؟
عليـاء:اشـوفـك تـرطـن فـرنسـي عـدل
عادل: قـولـي مـاشـاءاللـــه
عليـاء تعـانـد: خيبــــــــه تعـرف ترمس فـرنسـي أنـت
غص عـادل وكـــــح : بل مـب عيـن عليــج
عليـاء قـامـت: اونـك عـاد
قبل لا تتحـرك عطـاهـا مـوبـايلـه: اتصـلي فـي أهلـــج
خـذت عنـــه المـوبـايل وراحـــــت .. أمـــا عـادل فكمــل فطـــوره

عليـاء في غـرفتهـــا ..
علياء: ممم لا بـاس
ام سعيد: شو ها بعد لاباس
علياء: لا باس يعني لا باس
ام سعيد: انتي شو تقـوليـن ؟ مستـانسـه هنـاكـ
عليـاء بكـل بروده: مستـانـسـه هـذا اللي تبين تسمعيـنـه
ام سعيـد: ليـش معصبـه زيـــن
عليـاء: امـايه انـا مب معصبـه
ام سعيد: لا واللـه معصبـه انتـي
عليـاء: آه المهـم اخبـار ابـوي وعمـي وخـولـه والأهبـل سعيـد
ام سعيـد: كلهـــم بخيــــر .. هـذي تـوهـا خـولـه واصـلـه بتكلمينهـا
عليـاء: خـولـه؟! لا لا
بس فـات الأوان خـولـه خـذت عنهـا التلفـون : هـلا بأختـي العـروس
عليـاء: عـروس .. هيـه
خـوله: شو فيـج انتـي ؟ استانسـي حسـسينـا إنج عروس
علياء ترفع حواجبهـا مب متفيجـه لهـم: زيـن زيـن اخبار ولدج وريلـج
خـوله: الحمدلله بخيـر .. ألا عـادل عـلـومـه؟
عليـاء: على طـاري عـادل بسـألـج سـؤال عنـه يـوم يعصـب كيـف ينتقــم
خـوله بخـوف: شـو مسـويـه انتـي
عليـاء: ولا شيء انتـي مـا جـاوبتـي على سـؤالي
خـولـه: عليـاء اعقـلي .. لا تشوفينه سـاكـت عنـج وتسـوين اللي يخطـر في بـالج
علياء: بعـد مـا جـاوبتي
خـوله: ولا شيء هو يـوم يعصب ياء يطلع حرته بنفس الوقت وإذا ما قدر بثاني يـوم ينـسـى ..
علياء تكلم نفسـه: من جذي ما قالي شيء
خوله: علياء اصـطـلبـي وعـن
عليـاء: شـو مـا اسمعـج .. شـو تقـوليـن
خـولـه: عليـاء عليـاء اعـرفـج تسمعينـي عـدل لا تستعبطيـن
علياء: مـع سـلامـه اختــــاه

صكـرت عنهـــا ...
علياء: حشـره منهـــــا ...
كـانـت بتفـر التلفـون بس سمعـت دق على البـاب ...
راحـت صـوب البـاب: منو؟
عـادل: منـو بكـون يعنــــي؟
عليــاء: أوووه مستــر عـــادل
لبســت وقـايتهــــا ... وراحــ ت تفتـح البـــاب
عليـاء : نعـــــم
عادل: موبايلـي
عطتــه المـوبـايل وطـالعتـه كـان متكشـخ
عليـاء: ويــــن ؟
عــادل بنـص عيـن: ونحـن مـب متفقيـن محد لـه خص بثـاني
عليـاء: هيـــــه بس مجـرد فضـول
عـادل: احتمـال اتـاخـر تبيــــن شــــيء
عليـاء:ممممم
عـادل:يلسـي فكـري انـا رايـــح عنـــــج
عـليـاء: إيـه وين رايـــــح
عـادل وهـو يمشـــي: قـلت لهـم يـوصـلون لج الغدى فـي مـوعده
صكرت الباب: على كيفـه شـو حتـى مـا ســألنـي شـو ابـى في الغـدى
ولا بعـد مخلنـي بيـن اربـع جـداران مليـــت الصـراحـه

راحت وطلعت لها بــدلــــه ...
تكشخـــت طالعت نفسها بالمنظـره: انتي وايد حلوه علياء .. غمزت ...
ربطــت شعـرهـا ولفـت شيلتهـــا عـدل ...

طـلـعــت من غـرفتهــــا ومشــت بكـل ثقـــه ...
راحـت صـوب الاستقبـال وبكـل اختصـار: يو .. كنسل الغدى اقصد lunch .. آند I GO OUT اوكي .. فهمت شيء
ابتسمت له: بس فالح يهز راسه
طلعت من الفنـدق .... تمــت تتمشـــى مـب عـارفـه ويـــن تــروح بس كـانت تتمشى .. حتى اشترت لها كاميره ..

علياء تصور: باريس ما عليج كلام الصراحه
اطالع كاميرتها: ولا انت شو رايك ؟
اكيد مثلي .. لأني ذويقه ..
تمشي وبعدها تكلم الكاميره: صح إني متزوجه من ريل اسمه عادل على فكره هو لا باس شكله يعني ها 40 على ميه ولا اقول 60 على ميه تعرف عاد انا كريمه ...

عادل رجع الفندق لأنه كان ناوي يسبح ويطلع ..
خلص من السباحه .. وتلبس ... وقبل لا يطلع حب يطمن على علياء مب حبا فيها .. بس لأنه على مسؤوليته ..

دق عليها الباب اكثر من مره ويوم حس ما شيء رد .. استغرب
نزل تحت وسأل عنهـا
فقاله : إنهـا طلعـــت
عـادل: ويـن راحـت .. هـاي شـو عرفهـا بـالبـلاد

طلع يـدورهـــا في امــاكـن قـريبـه من الفنــــدق ... ويـوم مـا لقـاهـا عصب: اووو ه كيفهـــا يعلهـا مـا رجعــت أنـا أتـاخـر علـى ربعـي ليـش؟

هـو كـان يفـكـر جـذي .. بس مـا قـدر .. إذا صار لهـا شيء بـطيـح اللـوم عليهــــا...يضاحك معاهم بس باله مشغـول وفوق هذا مصر إنه ما يرجع الفندق او يـدورهـا ... ليـش يخـرب طلعتـه عشـانهـــا ...

وبالأخير: جمـاعـه انـا برد الفنـدق ألحين
سلم عليهم .. ورجـــع لفنـدق .. سـأل عنهـــا واستغـرب مـن ردهـــم بعـدهـا مـا رجعــــت ... مـره يقعـد ومره يـوقف مره يمشي يميـن ومـره يســـار ... مـب متـأكـد مـن شـيء لكـن متـاكـد من شـي واحـد إنـه الريـال مفـول منهـا على الآخر ...

تــم يتـريـاهـا لمـده طـويـله ...
لكنهـا مـا شرفــت إلا ع سـاعـه 11 بـتـوقيتهــــم ..
عـادل كان يالس في القـاعـه فشـافهـــا يـوم دخـلت الفنـــدق ...
وهي مشـت ولا كـانهـا شـافتــــــه ...
وقف معصـــب .. وتبعهــا لين المصعـد
علياء بالانجليزي: لو سمحـتي
طلبت من الحرمه اللي في المصعد تخلي مفتوح
علياء: ثانكس
الحرمه: ويلكم
كان بينغلق الباب .. دخل عادل و وقف حذالها
عادل بصوت واطي: وين كنتي
علياء : كنت طالعه
عادل معصب بس ميود نفسه: اعرف إنج كنتي طالعه
علياء: عيل ليش تسأل
انفتح باب المصعد وطلعوا ...
تفتح باب غرفتهـا: لا تكون عبيط نسيت شو شرطنا محد له خص بالثاني
عادل: اعرف بس انتي كان لازم تقولين لي
طالعته بنظرات : ليش يعني ؟ لأنك ريال
دخلت ودخل معاها
عادل: لا ,, لأني اعرف المكان
علياء تضحك: يعني مب ريال
عادل فول على الآخر: وانتي كل شيء عندج غشمره
علياء : اول شيء منو سمح لك تدخل
عادل: دام انا حاجز لج وبحسابي يحق لي ادخل
علياء: لا والله
عادل: علياء لا تطلعين مكان .. من غير ما تقوليـ .. قاطعته علياء: ايه ايه حدك عـاد انت ريلي بالأسم ... بس
عادل كان ناوي يقولها لا تطلعين من غير ما تقولين لي لأنج ما تعرفين الأماكن بس الاخت ما عطته فرصه وهالشيء زاد من عصبيته

مسكها من ذراعها وخلها تصد صوبه غصب: تعرفين إنج ميونه
ترك يـدهــــا .. مشت كم من خطوه وشلت المزهريه فرت صوبه وزين منه انحرف ولا كان بتصكه
ابتسمت: والحين شو رايك ؟
عادل يطالع المزهريه ويطالعها: مثل قبل ميونه وزود بعد
تمت ادور على شيء تضربه لين ما لقت لها على مزهريه ثانيه تفر عليه
عادل: علياء
علياء: اطلع من غرفتي
عادل: مب طالع انا اللي دافع لا تنسين
علياء: تحمل اللي بيوصلك عيل
ما تركت شيء وما شلته عشان تضربه ...
والكل تجمع برع غرفتها يسمعون حشرتهم ... لين ما وصل مدير الفندق
دق على الباب بس محد فتح له لأنه اصحاب الغرفه مشغولييين
ويوم فتح عليهم الباب شاف علياء ميوده غرشة الماي وكان من بلاستيك
فرته على عادل اللي انحنى ودام المديركان وراه فصكت المدير على راسه
علياء تحرك يدها: اووويييي
عادل: صج هبله شو سويتي
عادل راح عند المدير وكلمه بالفرنسي: انت بخير
نظره المدير خلت عادل يرجع لورا

برع الفندق
عادل: كل منج زين جذي طردونا
علياء ساكته وصاده على صوب الثاني
عادل: ليش ساكته ألحين ولا انتي ما تعرفين تتفاهمين الا بالكسر
بعد ساكته بس هالمره ربعت يدها وتهز ريولها .. دليل إنها مب متفيجه له.. بس عادل ظل يوبخها
عادل: اول شيء تطلعين على كيفج وبعدين تحاولين تذبحيني وألحين هذا خليتهم يطردونا عاد كله ولا الغرامه اللي غرمونا
صرخت عليه: انطب انت شو ؟ ياهل تذمر اكثر من اليهال حتى
تقلده: انتي وانا شويتي .. اعقل يا عم اكبر ترا ك مب نونه
عادل: يعني تبين تقولين الحين انتي العاقله
علياء: ما يحتاج انا عاقله من اول ما لدتني امي
عادل يطنز: واااضح
علياء: اذا تظن عمرك ذكي فقولي يا الذكي شو نسوي الحين
عادل يطالعها: ألحين شو نسوي بعدما وصلتينا لهنـا
علياء: تعرف شو مشكلتك انت وايد تثرثر
عادل: وانتي تعرفين شو انتي وايد قاصه على عمرج
وقفـوا لهــم تـاكسي وراحوا اكثر من فندق .. ياء إنهم يلقون لهم غرفه وحده طبعا مب عاجبنهم وياء إنهم ما يلقون على غرف شاغره ..

تفرك بيدهـا وتحاول ادفي نفسها وبنفس الوقت كانت تترياه رع الفندق
و اول ما طلع عادل سألته: ها بشر
عادل بخيبة امل: ما شيء الا غرفه وحده
علياء: اهووو انا تعبت من الحواطه
عادل: والله انتي الغلطانه انتي اللي وصلتينا .. قاطعته: هيه هيه حفظت الموال وليش تلومني انا بس انت اللي خليتني اعصب ولا ما صار اللي صار ألحين ..
عادل: وبعد ألحين تحطين اللوم علي
علياء: خلاص خلاص نحن بنحل المشكله انا اللي بنام في هالغرفه لين ما نتدبر امورنا
عادل بسخريه: وانا يا عمري شو اسوي
علياء: عمري اونه اقول عاد لا تصدق عمرك متزوجين
عادل: انتي اللي لا تصدقين عمرج
علياء: انا بردانه ومب متفيجه لك بروح احجز لي الغرفه
عادل:استريحي انتي السبب وانتي اللي بتمين برع ودبري حالج بروحج
علياء: لا والله تخليني هنا بروحي انت تعرف فرنسا زين واكيد متعارف لك على حد روح نام عندهم
عادل: لا
تغصصت منه وراحت تقعد على الكرسي القريب من الفندق
وهو بعد تم واقف شوي وراح يقعد حذالها
علياء: ليش تقلدني
عادل: في شو
علياء:شفتني اقعد وقعدت
عادل بسخريه: ها ها ها لا يكون الكرسي شارتنه بفلوسج
علياء: روح عني لاه ... صدت على صوب الثاني...

وهو بعد طالعها بنظرات وصد عنها ...

ما كان يسمع بينهم غير صوت النفخ ... ينفخون يدهم
فعلياء نطقت فجأه: نرجع لبلادنا احسن
عادل ينفخ وهز راسه بـموافقه ...
علياء:حونا على الاقل ما يذبح مثل هالجو احس عمري بموت من الرجفه
عادل: تموتين من الرجفه توج مألفتنه
علياء: هيه عجبتك
عادل ابتسم وهز راسه: هيــــــــه
ضحكت يوم شافته يبتسم: غريبه
عـادل: عشـان ابتسـمـت
عليــاء زادت رجفتهـــا: هيه
عـادل: انتـي مـاخـذه عنـي فكـره مب حلـوه
علياء: حتـى انــت مـاخـذ عنـي فكـره مب حـلـوه
عـادل: خخخخخخ
عليـاء بصـوت مبحـوح: ضحكنـا معـاك
عـادل: نحـن حتـى مـا نعـرف ليش نكره بعـض ,, صد صوبها و كمل كلامهـا ,, لا تفهميني غلـط وتظنيـن إنـي أحبـج لا أنـا لا أكرهـج ولا أحبـج ومـا اظن إني بحبـج
علياء كـانت تبتسـم بس ما تبيـن : ومنو قـال إني احبك
يحضن نفسه عشان يحس بدفا : اللـه يسـامح أهلنـا زوجـونـا بالغصـب صح
صد صوبهـا: صح .. أكلمـج انا .. علياء علياء
هزهـ ا طـاحـت على كتفــــه .. خاف عليها وتم يصفعهـا على الخفيف
ما عرف شو يسـوي تردد يفركهـا ولا لا .. وبالنهايه مسكهـا من يدهـا ويلس يفكرهـا ... ويوم شـافه مـاشي فـايده ...
اضطـر يشلهــــا ... لصـوب الفنـدق .. فهـمهـم بالفـرنسي ومـا قصـروا معـاهـــم ... خـذوهـم لغـرفـه .. ونـادوا على الطبيـــب

طمنـه الطبيـب اغمـى عليها من سبـت اليـوع والبرد .. لأنه حضرتهـا لا متغديـه ولا متعشيــــه
ودع الطبيــب ... وراح يـدفـع ثمـن الغرفـه ...

دخـل الغـرفـه .,, بعدمـا دخلـوا اغـراضهــــم .,,
راح صوبهــــا ... وهذي أول مـره يشـوفهـا من غيـر شيـلـه
غطـاهـا عـــدل ...
ضحك : اللي يشوفج ألحين محد يقول عنج إنج شريره ..

طلع له بدلة نوم .. ونام على الاريكه ...

وما قامت إلا على اشعة الشمس ... دفنت نفسها تحت اللحاف .. وفجأه قامت صدت يمين ويسار
علياء: انا وين وشو يابني هنا؟
نزلت من السرير بسرعه وطلعت برع الغرفه
تمت واقفه يوم شافت عادل نايم على الاريكه وشكله مب مرتاح
علياء : شو صار البارحه ؟ كيف وصلت هنا وليش مب حاسه بشيء
حست بالشفقه عليه كانت بتتحرك بس انتبهت إنها مب لابسه شيله
وفجأه ضحكت على عمرها: اكيد شافني وانا اصلا ليش اتغطى شئت ام ابيت هذا ريلي .. توج عرفتي..
المهم راحت صوبه وحاولت توعي
علياء: عادل روح نام داخل
عادل فتح عينه بثقل : عـ ليـ
علياء: روح نام على السرير انا خلاص شبعت رقاد
عادل وقف بكسل: هيه والله ما قدرت انام عدل هنا

راح الغرفه ..
وهي راحت صوب شنطتها طلعت بدله لها وبعدما خلصت من السباحه طلبت لها شيء تاكله وطبعا بعد عدة محاولات .. قدروا يفهمون شو تبى بالضبط

رشت على ويه الماي .. فـفـز
مسح الماي من على ويه .. وصد صوبها معصب: شو فيج انتي
حاطه يدها على خصرها: والله ياللي ماخذ راحتك شوف الساعه كم وموبايلك حاشرني .. وقبل لا تكمل رن تلفونه مره ثانيه
علياء: شفت
خذ تلفونه وشاف المتصل حوله على الصامت
علياء: اونك ليش ما ترد
قام : ما يخصج
علياء بنص عين: احم احم وحده متصله .. تبى تشوف منو اللي متصل هو يحرك يده يمين وهي تروح يمين يسار وهي يسار ...
عادل: تستعبطين
علياء: هيه
مل منها وفرها على السرير ... راح عنها الحمام
علياء ترجع كم من خصلات شعرها اللي تجدم على ويها: وياء ويهك ..

في الحمام : اهتمي في شؤونــج احسن لج

وقفت : ما يخصـــك

طلع من الحمام وشاف الاخت يالسه تاكل .. مسح شعره بفوطه وفر عليها
عادل: مره ثانيه لا ترشين علي الماي
علياء بنظرات غضب: إذا تباني اكسر لك راسك مره ثانيه عادي ترى
طالعها : بكسر لج ايديج اذا سويتي مره ثانيه
علياء: بكسر وبشوف شو بتسوي
شلت الكوب فرته .. وقدر يمسكه
عادل: علياء والله
علياء: شو والله ؟ عيل تفر علي فوطتك .. واع فيه ريحه
عادل قعد على الكرسي ورجع الكوب: تتمنينه ريحتي
علياء باشمئزاز: وااااع

عادل: كيف طلبتي الغدى
علياء: بالتلفون؟
عادل: ها ها ها اعرف بس كيف قدرتي تطلبين يعني كيف فهموج
علياء: طلعوا احسن من قبل يفهمون انجليزي وعاد انا عطيتهم هذاك الكلام الحلوه بالانجليزي تعرف عاد اوه انته ما تعرف ألحين بخليك تعرف انا توب في الانجليزي
عادل كان ساكت رافع حواجبه ويسمع كلامها سألها سؤال بسيط والحبيبه عطته رد شو طوله
انتبه على سؤالها: وين بنطلع اليوم
عادل: ها ؟ نطلع ؟! منو قال
علياء: ما بطلعني بطلع بروحي
عادل: والله ما تطلعين بروحج وترجعين لي تالي الليل
علياء: اصلا انا كنت ما بتأخر بس ضعت وتميت الف وادور لين ما وصلت الفندق .. وما خليت احد ما سألته اللي فهمني واللي ما فهمني حتى ما لقيت وقت عشان آكل لي شيء و انت .. قاطعها :
علياء خلاص فهمنـا .. بس على فكره انتي وايد ترمسين
وقفت علياء: روح عني لاه

راحت الغرفه ... ألحين قرب اللقمه من حلجـــه ... فاجـأته : عـدوووول
عادل : بسم الله .. شوفيج ؟
علياء: احجز لي او لك ما يهم المهم احجز غرفه .. مستحيل انتم في غرفه وحده صح؟
عادل مب مهتم ويبا يفتك منها: صح صح

دخلت الغـــرفــــه ...

عادل: لا حول ما لقوا غير ياهل يـزوجـونـي
مره ثانيه فـاجـأت : هيه صـح
عادل: استغفـــر اللـــــه شـــو تبيــــن؟
عليـاء: تلفــــونــــك
عـادل: شو تبـيـــن فيــــه؟
عليـــاء: بغــــازل يعنـــي شــو ابــى بتصـــل في أهـلــــي
عادل يأشر بيــده: بعــديـــن بعـــدين

عليــاء:لا واللــــه بس انا ألحيـــن ابـى ارمسهــــــم
عــــادل: اهـــووو قـلـــت لــج بعـديــــن مـا تفهميـــــن وليـش مـا اشتـريـتي لج بطـاقـه خـط
علياء واقفـــه وبعنــــاد: لا واللـــه بتعطيــنــي ولا كيــــف
الأكل فـي حلجــــه: لا
تمـــت ســـاكتـــه واطـالعـــه بـاحتقــــار وهـو ولا عـلى البـال ... تقـربت منـه وبحـركـه سـريعـه شـلت المـوبايل عنـــه لأنه كـان على الطـاوله وركضت صـاروخ لغـرفتهـــــا
اول مـا شـلت المـوبـايل وشغـلت صـواريخهـا ... تفـاجـا من حـركتهـــا وتبعهـا لين الغـرفـه ... لقى الغرفه مقفـلـه تم يـدق عليـــهـــا بس كله اللي يسمعــــه ضحكـاتهـــــا

عليـاء: خخخخ تســتـاهـل يـوم اطلـب منـك شـي تعطينـي فـاهـم؟
عـادل: إنـزين عطينـي دقـايق وبرجعـه لـج
عليـاء: ليش شــــوفيـــــه
عـادل: مـا يخصــــج أنتـــي عطينـــي واللــــه بـــرد لـــــج
تقـربــت صــــوب البـــاب: اسمــــع دخـلت علـى الرسـايل انــــا
عادل: والله علياء ما تسـوينهـــا حلفـــت انـــــا
عليـــاء: انت اللـي حـالف .. وألحيــن بفتـــح رســاله مـن شجـون القـلب
اونه منـــو هذي كككككك
عـادل يضرب على الباب بس ما شيء فايده علياء ما ترد عليه لأنها كانت مشغوله تقرا المسجات

ضرب على باب بقوه: بوريـــج أنـــــا

علياء تقرا المسج وبعد متفيجه ترد عليه: فلم ولا مسلسل
عادل: بتشوفين

قرت حوالي 4 مسجات لأنها حست بالضيق وما قدرت تكمل ...
بس وين علياء مب متفيجه لها السوالف ... اتصلت لأهلها وتمت تكلم معاهم وتعمدت تفتح الباب وتطلع من غرفتها وبنفس الوقت تكلمهم
عادل اول ما سمع الباب انفتح .. ركض صوبها ويوم سمعها تقول: هيه امايه عادل بخير .. تبتسم له بعد

عادل مسك نفسه ولا كان الريال ناوي لها نيه خطيره
علياء تتطالعه وتبتسم: افا عليج يمه هذا ريلي وبشله بعيوني .. انا بنتج وتربيتج
عادل خلاص وصل حده يطالعها بنظرات وهي ولا هامنها تمشي وتتكلم
علياء: امايه هذوا عادل يبا يكلمج
علياء صدت وراه: تعال بعد شو
مشى صوبها وسحب عنها الموبايل ...
عدل من نبرته: هلا عمتي

يطالع علياء: هي بخير .. لا لا صح إنها مرات اطفر بواحد بس لا تحاتين
اكيد اكيد هي امانه عندي لا توصين
علياء تتطالعه وتضحك
عادل: خلاص عيل سلمي على الباقين .. ان شاءالله بهتم فيها عدل .. ضغط على كلمة عدل..
بعدما صكر من عند ام سعيد
تم واقف يطالع علياء .. وعلياء بسخريه: وش فيك اطالعني معجب في شو
عادل: انتي شو ؟ ابى اعرف
علياء: عاد يقولون اني بشر بس تصدق مرات (قربت ويها صوبه): مرات اشك اني من البشر اظن اني ملاك .. تضربه على كتفه: ولا انت شو رايك
حط يده على جبته: تعرفين شو لازم اطلع من هنا احس نفسي منقهر وعادي ارتكب جريمه ..

شل جاكيته وراح صوب الباب
علياء: هههه وانا شو اسوي اقعد لحالي
عادل طالعها شوي وطلع من غير ما يرد عليها

طفرت الريال .. مسكين طلعت من غرفته حتى ... ألحين بضطر يحجز له غرفه ثانيه العيشه معاها في مكان واحد وايد في بروبلم وصعب

علياء يلست وشغلت التلفزيون : خاطري اشوف شكل البنت اللي تترجاه وذاله نفسها عشان هالويه .. ماااالـــت

عادل يرمس بروحه: اكيد قرت المسجات ولا ما قرتهم ... لا لا ما قرته لو قرتهم كان ما سكتت .. اعرفها هذي .. يصعد المصعد ويكمل : اعرفها هذي ما تسكت على شيء .. او يمكن عشان ما يهمها أي شيء يخصني
يرمس والريال يطالعه .. لين ما انتبه ان في احد يطالعه

وصل عند الاستقبال وسأله إذا كان في غرفه فاضيه
وحســت بـــــراااااااااااااااااحـــــــــــــــــــــــــ ـــــــــــــــــــــــــه .. عاد مديت الكلمه عشان تعرفون الـراحـه اللي حس فيه عادل .. يوم عرف إنه في غرفه شاغره وحجزهـا بسـرعه

رجع لغـرفتــــــه .... عشـــان يشـــل اغـــراضــه يبــا يفتـــك منهـــــــا قبـل لا يضطـر يســـوي فيهــــــــا شــــــيء

دخل الغـرفـــه ومـا لقــاهــــا في الصــاله دخـــل الغـرفـــه وسمع صوتهـــا في الحمــــام كـــانت تغنـــــــي

خـذ اغــراضــــه وعطـــا لـعـامـل الفنـدق اللي كـان واقـف في الصـالـه
عطـا الأغراض ,, ورجــــع لغـرفـــه وقــف صــوب بـاب الحمــــام: ان شـاء الله ابليســ يصفعـــج

يـوم سمعــت يقـــول جـذي علـــت صـوتهـــا وغنــت بصـوت عالي بس عشـان تغـايضـه ..
هـز راسه:الحمـدلله والشكـــر .. أقـــول انـا لقيـــت لـي على غـرفـه بظهـر من عند ملجـأ المجـانيـــــن
عليـــاء: فكـــــــــــــــــــــــــــــــــه يااااهو ياااهو
عادل: مـــــــالت

طلع من عندهـــــــــــــا ....

خلصـت من السبـاحـه وكـالعاده البنــ ت شـيء اسمـه صبـر ماشـيء في قـائمتهـا مـا سـوت 1.. 2 .. تلبست وتكشخت .. لفت شيلتها عـدل ... طلعت من غرفته بعدمـا قفـلت البـــاب وصـلـت صـوب المصعـد ومـا لاحظـت منـو داخـل بس كـانت تعـرف في احـد من جـذي طلبت يوقـف لهـا المصعـد
دخـلـت المصعـد ومن غير ما تصـد صـوبه : ثانكـيـــو
ابتســــم لهـــا: العفــــوا
علياء استغـربـت بس مـا صدت صـوبه لأنهـا استوعبـت عـادي في عرب هنـا ...
لكنهـا رفعــت راسهــــا يـوم سمعــت ينـاديهــــا: عليـــــاء
رفعت راسهـا : تعـرفنـي
رد عليهـــا: وفـي احـد ما يعـرف عليـاء أم لســـان
طـالعته بنظـرات عتـب: لا واللــــه
ابتسـم لهـا: تعـرفيـن نظـراتـج خطيـره
انفتـح بـاب المصعـد .. طالعتـه شـوي وطلعت مـن المصعـد .. تبعهـــــا
عصبت عليه ورفعت اصبعهـا: دور على غيـري انـا متـزوجـه
تأشـر عـلى خـاتمهـــــا
بكـل بـروده: هيه حـلـو
تغصصـت منـه: اهـوووو

لحقهــــــــــــا: مـــا عـرفتيـنـي
عليـاء: اختصـر وقـول
وقـف جـدامهــــا : شـوفـي ويهـــي عـدل
عليــاء: أيـوااااا
ابتســـم متحمـس: تـذكـرتيـنـي؟
عليـاء: وحـد ينسـاه هالـويه مـا أدري كيـف نسيتـكـ انـت مـب المينـونـه اللـي شـارد مـن مستشفـــى صــح؟
اختفـت ابتسـامتـه وبعـدين نقـع مـن الضحـك : بعـدج مثـل مـا انتـــي
تتطـالعـه وجـواجبهــــا مــرفـــوعــه مـن التعجـب
الشـاب: خـلاص بساعـدج اللي يـوصـل آخـر واحـد يشــتـري حق الكـل آيس كـريـــــــــــم .. واحيـاننـا يقــولـون انـا وانتـي نتشـابـه.. كـان بكمـل بس يـوم شـافهـا حـاطه يـدهـا على حلجهـا ومتشقـقـه من الفـرحه سكــت وارسمـت ضحكـه على شفـايفـه

عليـــــاء بصـوت عـالي: يــووووسـف
الكل صـد صـوبهـــــــــا ... بس هي مـا همهـــــــــــا اللي يطـالعـونه .. نقـزت وحضنتـــــــــه بقـوه حتـى المسكيـن رجـع لـورا .. وتم يضحـــــكـ

علياء سـؤال ور سـؤال: كيـف ؟ أنـت مب في لنـدن ؟ لحظـه لحظـه يـاي مع منــــو ؟ ولا اقول مـب لازم بس قـولي شـو تسـوي .. علومـك

تم يضحـك : أول شيء خلينـا نقعـد مكــــــــان
علياء: نقعد في الفندق ولا برع الفندق
يـوسـف: مممم بـرع أحلـى اعـرف مطـعـم بسيـط وقـريب مـن هنـا
عليـاء مسكـته مـن ذراعهـا: يـالله عيـل
يـوسف: وريـلـج
تسحبــه: هـو فـري عـــادي ولا يهمــــــك

راح معــاهــــا والضحكــــه مـب مفـارقتنــــــــــــــه

بـالأول فكـر يطـلع أول مـا يدخـلون أغـراضـه ... لكـن بعـد تفكـير لمـده قصيـره .. قـرر يتلبـس ويتكشـــــخ ...
يـرش العطـر على بـدلـتــــه ... رن تلفـــــونه ... تـرك العطـروخـذ تلفـــونــه ...
رد عليهـــا بـدون نفس: هـلا
واللـه استحـي وخـلي عنـدج كـرامـه ... ألحين تبيـنـي بعـدمـا بعتـينــــي
دخيـلـج فكينـــا اللـي فينـي كـــافـي .. لا أنــــــا مـرتـــاحـــــ بحيـــاتـي ... يقفـل باب غرفته ... ومستـانس مع حرمتـــــــي وألحيـن بطـلع معـاهـا تتـريـانــــي .. يـاالله ولا تـرجعيـن ادقـيـن مره ثـانيـه علي
صكـــر عـلى ويهـــــــــــــا ...

ضحك على عمـره: واالله حـالـه هـالحـريم وحـده يوم كنـت ميت عليهـا باعتنـي برخيص ويـوم تـزوجـت تـركض وراي ... والثـانيـه مطلعـه لي قرووون ... عـلى طـاري راعيـة القـرون شـو تسـوي ألحيــــن؟

راح صـوب غرفتهــــا ... فتـح البـاب ولقــــى مقفـــــــــــل
عصـب: سوتهـــــــا

نـــروح عنـــد عليــــــــــــاء

عليــاء: والله زيـــن زهقــت مـن شغـلـك وقـلـت اسـافر حـول العـالم
ولا الحبيـب عايش معانـا وبنفس الفنـدق ونـاسـه والله
يـوسـف: شفتـي عـاد طلـع العـالم صغيـر بـالنهـــايــــه
عـليـاء: عيـل كـل يـوم اطب عنـدي واطـب أنـا عنـدك بنـدق سـوالف
يـوسف: انـدق ولا انطبـل
ضحكـوا الاثنين : ككككككك .. حـلوه
علياء رفعـت يدهـا عشـان تصـافحـه ... عندهـم ستـايلهـم الخـاص

علياء: يـا سـلام مـا نسيـت
يـوسف: اشياء وايـده مـا نسيته ولازم نجتمـع ونسـولف ههههه
عليـاء: صـدقت
يـوسف: مليـت هنـا لحـالي
عليـاء: ليـش مـا تـزوجـت
يـوسـف : شـو اسـوي مـا لقيــــت وحـده مثـلـج وانتـي لــــو
قـاطعهـــم عـادل : لا والله لـو كـانت مب متزوجـه كـان تزوجتهـا صح ؟.
صـد صوبهـا: وانتي حضرتج مستـانسـه داقـه سـوالف معاه لا مستحـى ولا شيء
عليـاء كـانت بـارده ومبـرده بس يـوسـف تفــــاجـا

يـوسـف : شـو اسـوي مـا لقيــــت وحـده مثـلـج وانتـي لــــو
قـاطعهـــم عـادل : لا والله لـو كـانت مب متزوجـه كـان تزوجتهـا صح ؟.
صـد صوبهـا: وانتي حضرتج مستـانسـه داقـه سـوالف معاه لا مستحـى ولا شيء
عليـاء كـانت بـارده ومبـرده بس يـوسـف تفــــاجـا

عليـاء: وش فيـه الأخ معصـب نسيـت اتفـاقنـا
عـادل: سـوي اللي بتسـويـن بس هـذا قبـل لكـن الحين انتي مرتبطـه بإسمي
واي شيء بتسـوينـه بمسني أنــــا
عليـاء بسخـريه: اونـــك راعي اصـول
يوسف سـاكـت ومتفـاجـأ يطـالعهـا يوم تتكلم ويطـالع عـادل يـوم يتكلم بعـد
عـادل:انتـي إيـــه
قـاطعهـ يـوسـف ومـد يـده: هـلا عـادل انـا يـوسـف
عـادل يطـالعه بنـظرات غضـب
علياء: سلم عليـه ع الأقـــل
عـادل: منـو هـذا
علياء باستعبـاط: يوسف هذا ريلي ريلي هذا يوسف ..
يـوسف يضحك: ههه علياء بس عاد
صـد صـوب عادل: عدول ما عرفتني انا يوسف .. يسـوف اللي كان يغلبك في الركض .. يسوف اللي .. كملت بداله علياء: اللي كان يخليك تصيح يوم تخسر في الركض جدامه
عادل صرخ: يــــــووووســـــــــف
حضنـوا بعــــد
علياء: بس بس فلم هندي ســويتـونـــا

علياء: ألحين هذيـلا مشغولين بالحضن فخلونـي اقـولكـم منـو هذا يـوسف
يوسف ده اخوي بالرضاعه وبالنفس الوقت ولد جيراني .. كنا هيك مع بعض .. اسوي لكم بأصبعي اوني ههههه ... المهم امه وابوه يوم توفوا .. ربوا قوم عمه اللي عايشين في لندن وراح هو معاهم .. اسمينها كانت ايام ما تنسي انا وهو كنا ثنائي كشخه كان نلعب مع بعض ونضرب هالويه اقصد عادل ههههه كنا مشاكسين ..

المهم نرجع لهـم ...
عـادل: والله يا يوسف فاجأتنا الصراحه
يوسف: انا اللي متفاجأ استغربت يوم قـالوا لي تزوجت علياء ههههه
علياء: شفت عاد
عادل: هذا النصيب
يوسف: زين زين وشو الفرنسا معاكم
عادل يطالع علياء: لا باس
علياء: شو رايك نطلع مكان اليوم
عادل: بس انا مشغول اليوم
علياء: ومنو سألك انت ؟
يوسف: علياء؟!
عادل: ما يشرفني اروح مكان معاج اصلا
يوسف: عادل؟!
علياء: اصلا انا ما اقدر اضيع وقتي مع هالأشكال
عادل: هالأشكال تتمنين انته
علياء تسوي بيدها: واااي واااي .. تف تف علي كان اتمنى هالويه
يوسف: اويييه شو فيكم ؟ نسيتوا انتوا متزوجين ؟
علياء: متفيج انت
يوسف: علياء؟!
عادل: اصـلا هذي ما تعرف تتكلم عدل
يوسف: عادل بس الله يهديك
علياء: اسمعني يوسف لا تعور راسك معانا .. قـالوك إنه نحن متزوجين صح
يوسف ساكت يترياها تكمل بس علياء خوفته: قول هيه على الاقل
يوسف يضحك: هيه
علياء: زين عيل في شيء ما تعرفه نحن متزوجين جدامهم بس وازيدك من بيت السقف نحن حتى نعيش في غرفه مختلفه
يوسف: تقصدين كل واحد فيكم في غرفه
علياء تبتسم : يس
وقف يوسف: انتوا ميانييين
عادل: ههههه وش فيك يوسف وقف مره وحده جيه
علياء: اقعد ياعم ونشرح لك
قعد يوسف وهدى من نفسه عشان يقدر يحاول يفهم كلامهم ...

بعـد الكـلام اللي قـالوا لـه ردة فعله كـانت جذي
يوسف: لا لا .. اللـي تسـونه ليش تزجون بالأسـاس دامكـم مب مقنعيـن
وألحين شـوفـوا حيـاتكـم كيـف كلـه تضـاربـون
عليـاء: هـدى يـا عمـي
وقفـت عليـاء: أنـا بروح غـرفتـي الحيـن بغفـو وبعـدين بنطـلع انـا وانـت بس .. طالعت عـادل : وبعض ناس خلهـم يتمشـون لحـالهـم
عـادل: امشي لحـالـي أحسـن مـن اطلـع معـاج
عليـاء: يـوسـف اشـوفك بـالليــــل .. تمشينـي وتـورينـي فـرنـسـا عـدل ومـدل اوكـي
يـوسف في حـاله استغـراب بس هـز راسه بـالمـوافقـه
راحــت عليـاء وتـركتهـــــم

يـوسف يبتسـم:انا في حـاله ذهول
عادل يطالع علياء ويرد على يوسف: مـا الومـك كـل مـن يعـرفهـا لازم يحـس بـذهـول
يوسف يصـد صـوبه: انـا مـا اقصـد عليـاء .. اقصـد علاقتكــــم معقـوله
عـادل : لا تعـور راسـك ..
وقف: وألحيـن اسمح لي مـواعـد ربـــعي
يوسف: خـذ راحتــــك

بعـدمـا راح عـادل .. يـوسف قعـد يفكـر فيهــــــــم ...

ومثـل مـا اتفقت عليـاء معـــاه ... مـر عليهـــــا الغـــرفـــــه ..
سمعــت دق على البـاب وراحــت تفتــــحه: هـلا والله .. ادخــل

بعـدمـا دخل يـوسـف ..
عليـاء: دقـايق واخلـص
يـوسـف: خذي راحتــــج

علياء في غرفتهــــا: يـوسف وين بنـروح؟
يـوسف يطالع المكان: برج ايفيل شو رايـج؟
علياء:أي مكـان المهـم اطـلـع ..
يوسف: ليش مـا طلعتـي مكـان؟
علياء: ما عنـدي احـد يودينـي ؟ ومثـل مـا تشـوف عـادل مـب منـه فايده
يـوسـف: حـرام عليج .. عـلى طـاري عـادل ليـش مـا تحـاولين تتقـربيـن منـه
طلعــت عليـاء وتجـاهلـت سـؤاله: خلصت
يـوسف: اختـاه احلويتـي
علياء: اعرف ههههه
يـوسف يضحك: وصرتي مغروره اكثر من قبل
علياء: والله .. ههه مب من حقي ههههه
ركضت صـوبه: يالله يالله خلنـا نروح ونشوف الشر
يوسف يطلع معاها: الشر؟
علياء تقفل باب غرفتها: يب مب ايفل معناته الشر صح؟
يوسف: هههههه حتى البـرج مـا سلـم منـج
عليـاء: محـد يسـلـم من عليـاء ككككككك

تحـركـوا الاثنيـن وضحكـاتهــــم مغطيـه على الممر

الموضوع الأصلي: هو وهي عندما اجتمعوا(الجزء الثاني والثالث) || الكاتب: بنت كووووووول || المصدر: منتديات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعبه حرامي السيارات لنوكيا الجيل الثاني والثالث	ابو سيف	منتدى العاب نوكيا و العاب جوال و العاب نوكيا	286	03-03-2010 10:53 AM
شرح بالصور لكيفية تركيب المصحف الناطق لهواتف الجيل الثانى والثالث	عزيز وشامخ	برامج نوكيا و منتدى برامج نوكيا	1	02-28-2010 11:48 AM
لعبه حرامي السيارات لنوكيا الجيل الثاني والثالث	الهايم	منتدى العاب نوكيا و العاب جوال و العاب نوكيا	5	02-04-2009 03:15 PM
5-11-06القران الكريم كامل(للجيل الثاني والثالث)	الهايم	برامج نوكيا و منتدى برامج نوكيا	0	05-03-2008 08:12 PM
اللي مالحق على الجزء الاول يلحق على الجزء الثاني ..	(.نور الشمس.)	منتدى المواضيع العامة	2	11-08-2007 03:17 PM

هو وهي عندما اجتمعوا(الجزء الثاني والثالث)

قصص و حكايات