شوربة الربيان و الربيان بصلصة التشيلي

ام ريوف · 09-24-2009, 08:17 AM

شوربة الربيان و الربيان بصلصة التشيلي السلام عليكم

شوربة الربيان

" سريعة و ما تاخذ وقت "

المقادير :
- ملعقة كبيرة زبدة
-بصلة مفرومة
- حبة فلفل حار" تشيلي " مفرومة بعد نزع البذور"إذا تحبون الحرارة المعتدلة استخدموا الفلفل الأخضر اللي شويه كبيير ، و إذا تحبونها حارة أكثر استخدموا الفلفل الأخضر الهندي الصغير . و إذا ما تبونها حارة كلش استخدموا الفلفل البارد "
- كرفس انجليزي مقطع قطع صغيرة " و إذا مو متوفر ممكن استبدالة بالكرفس العادي هم حلو . و هم إذا مو متوفر استبدلوه بكزبر ..و هم إذا ما عندج سويها بدونهم .. أنا جربتها بالاربع أنواع و كله طيب بس مع الكرفس الأنجليزي أطيب "
- فص ثوم مدقوق
- رشة فلفل أحمر حلو" بابريكا " و رشة فلفل أحمر حار " تقريبا ربع ملعقة صغيرة بس هم يرجع للذوق " .
- 3 ملاعق كبيرة طحين
- لتر ماء مذوب فية مكعب ماجي دجاج "إذا عندج صلصة السمك أو المحار ضيفي نصف ملعقة صغيرة للماي مو أكثر "
- ملح و فلفل أسود
- ربع كيلو ربيان مقشر و منظف
- عدد 2 ورق غار

الطريقة
1- ذوبي الزبدة على حرارة منخفضة علشان ما تحترق . و ضيفي لها البصل و خلطي لما يلين . بعدين ضيفي الثوم

3- ضيفي الفلفل التشيلي و خلطي

و بعدين ضيفي الكرفس

4- حطي الحين الطحين و خليه ينخلط مع الزبدة عدل . بعدين صبي الماي اللي مذوب فيه الماجي . و خلطي بخلاط الايد لما يذوب الطحين عدل . بعدين حطي و رقتين غار

5-قطعي الربيان قطع معتدله " سنتمتر تقريبا " و ضيفيه للشوربة و ضيفي الملح و الفلفل و خلي الشوربة تطبخ ليما تثقل

وقدميها

الف صحه
----------------------------------------------------------------------

و طبقنا الثاني المميز هو

الربيان بالصلصة التشيلي

المقادير :
- نص كيلو أو اكثر ربيان
- 2 ملعقة كبيرة زيت + 2 ملعقة كبيرة زبدة
- كوب بصل مقطع شرائح
- 1 كريما كي دي دي أو كوب من أي نوع من الكريما
- 1 ملعقة كبيرة ثوم مدقوق
- 2 ملعقة كبيرة طحين
- 2 ملعقة كبيرة عصير ليمون " او أقل حسب الرغبة "
- ربع ملعقة صغيرة كركم
- 2 فلفل حار "تشيلي " .. أنا استخدم حبه من التشيلي الهندي الحار و حبه من الكبير اللي أقل حرارة .. و انتوا و حسب رغبتكم أو استبدلوه بالفلفل البارد .
- نص كوب حليب جوز الهند " ترا يعطيه نكهة حلو .. يعني لو حابين تقللونه كيفكم بس نصيحة لا تستغنون عنه "

الطريقة :
1- نغسل الربيان ثم نصفيه من الماء و نرشة شوية فلفل اسود و ملح و ليمون و اتركيه ربع ساعة .
2- نغمر قطع الربيان بالطحين .. و ننفضها منه حتى لا تتكون عليه طبقة سميكة
3- نسخن الزيت و الزبدة في مقلاة على حرارة معتدلة . بعدين نقلي قطع الربيان فيها من الجهتين ليما تستوي عدل .

و شيلي الربيان من النار لما يحمر و يصير لونه ذهبي و حطيهم بمصفاة

بعدين حطيهم بفرن دافي بدون ما تغطينهم علشان يظلون مقرمشين .. أو اذا تحبين صخنيهم قبل التقديم بالمايكرويف

4- بنفس الزيت أقلي البصل لما يلين بعدين ضيفي الثوم .. و بعد ما تطلع ريحته ضيفي التشيلي

5- نضيف عصير الليميون و نصيحة لا تضيفون الكمية كلها .. بس شويه و قبل التقديم ذوقوا الطعم و إذا احتاج ليمون أكثر زيدوه .
6- ضيفوا حليب جوز الهند و خلطوا زين

7- ضيفوا الكريما ثم الملح و شوية فلفل أسود

8- اضيفوا الكركم .. و اتركوا الخليط على نار متوسطة الحرارة لما ينخفض مستوى الصلصة و تثقل

لما بدا يطبخ و يثقل

9- صفي الربيان بصحن التقديم

10 - صبي الخليط فوق او وسط الربيان و قدمية على طول ..

لذييييييييييييذ

اتمنى انكم تجربونه و يعجبكم

الموضوع الأصلي: شوربة الربيان و الربيان بصلصة التشيلي || الكاتب: ام ريوف || المصدر: منتديات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تشيز كيك الشوكولاتة بصلصة السنيكرز	ام ريوف	حلويات و كعك	0	09-24-2009 03:29 AM
دجاج بصلصة الليمون الأخضر بالصور	عذوب	أطباق رئيسية و وصفات طبخ	1	10-20-2008 10:54 PM
اسياخ الدجاج بصلصة الزبادي	سارونه	أطباق رئيسية و وصفات طبخ	4	09-25-2008 06:41 AM
** كيكة بصلصة التوفي	شمس الشروق	حلويات و كعك	2	09-08-2008 06:56 PM
كرات لحم الدجاج المطحون بصلصة البندورة والرمان	الهايم	طبخ و مطبخ حواء أطباق شهية	0	05-05-2008 01:09 AM

شوربة الربيان و الربيان بصلصة التشيلي

شوربه و شوربات